Жанубий Африка Республикасининг Тембис қишлоғи аҳолиси 2-август, сешанба куни электр энергиясининг қимматлигидан норозилик билдириш учун кўчаларга чиқди. Полиция икки кишини отиб ташлади.
Бу ҳақда ҳуқуқ-тартибот ходимларига таяниб, AFP хабар бермоқда.
Расмийларга кўра, тез орада митинг назорат қилиб бўлмайдиган бўлиб қолган – фаоллар ёнаётган шиналар билан шаҳар йўлларини тўсиб, муниципалитет биносига ўт қўйган.
Полиция намойишчиларга қарата ўқ узди. Отишмада икки киши ҳалок бўлган.
Бундан ташқари, маъмурий бинодаги ёнғин ўчирилганида, унинг кираверишида яна икки кишининг жасади топилган.