1 апрел куни Ўзбекистонда 5 мингдан ортиқ одам эмланди

Пойтахтда коронавирусга қарши оммавий эмлашнинг биринчи кунида 5018 киши эмланди. Уларнинг барчаси ихтиёрий равишда Тошкент шаҳридаги тиббиёт муассасаларига, Нукус шаҳри ва вилоят марказларига мурожаат қилишди, деб хабар берди Ўзбекистон Соғлиқни сақлаш вазирлиги.

Бир кун олдин, 1 апрел куни Ўзбекистонда коронавирусга қарши оммавий эмлаш бошланди. Эмлашнинг биринчи босқичида 65 ёшдан катта фуқаролар, шунингдек тиббиёт ходимлари эмланади.

Аниқлик киритилишича, 1 апрел ҳолатига кўра 65 ёшдан катта 1871 фуқаро ва 3147 тиббиёт ходими эмланди.

Тошкент шаҳрида бир кунда 1651 киши коронавирусга қарши эмланди, бу мамлакатдаги энг юқори кўрсаткичдир. Эмлаш бўйича кейинги ўринларни Фарғона вилояти (467 киши), Қашқадарё вилояти (389 киши), Тошкент вилояти (317 киши) эгаллади.

Эслатиб ўтамиз, Қирғизистонда коронавирусга қарши эмлаш 29 мартда бошланган эди. 4 кун ичида жами 417 киши эмланди.