АҚШ президенти Жо Байден 21-май, шанба куни Украинага 40 миллиард доллар ажратиш тўғрисидаги қонун лойиҳасини имзолади, деб хабар бермоқда Оқ уй матбуот хизмати.
Байденнинг имзоси учун ҳужжат у ташриф буюрган Жанубий Кореяга келтирилди.
Эслатиб ўтамиз, 19-май куни АҚШ Сенати Украинага рекорд даражадаги 40 миллиард долларлик фавқулодда ҳарбий ва гуманитар ёрдам пакетини ниҳоят маъқуллаган эди.
Маблағлар қуйидагича тақсимланади:
- Ҳарбий тайёргарлик, жиҳозлар ва қурол-аслаҳа учун 6 миллиард доллар;
- Америка қуроллари захираларини тўлдириш учун 8,7 миллиард доллар;
- АҚШ Европа қўмондонлигига ёрдам бериш учун 3,9 миллиард доллар;
- Украинадаги уруш натижасида юзага келган глобал озиқ-овқат инқирозини бартараф этиш учун 5 миллиард доллар;
- Киевга 9 миллиард долларга яқин иқтисодий ёрдам,
- Украиналик қочқинларни қўллаб-қувватлаш учун тахминан 900 миллион доллар.