Буюк Британия фунт стерлинги ва Европа Иттифоқи давлатларининг банкнотларини Россия Федерациясига экспорт қилишни, шунингдек, самолёт ёқилғиси экспортини тақиқлаш орқали Россияга қарши санкцияларни кенгайтирди.
Бу ҳақда 23-июн, пайшанба куни Британия ҳукумати сайтида маълум қилинди.
Хусусан, янги чоралар “Россияга самолёт ёқилғиси ва ёқилғи қўшимчаларини экспорт қилиш ёки ундан фойдаланишни тақиқлаш”ни ўз ичига олади.
Шунингдек, “Фунт стерлингдаги банкноталар ва Европа Иттифоқи давлатларининг банкноталарини Россияга олиб чиқиш ёки улардан фойдаланишни тақиқлаш, бундай банкнотларни Россия билан алоқадор шахсларга тақдим этиш ёки етказиб бериш, шунингдек, Россия Федерацияси ҳудудида фойдаланишни тақиқлаш.»
Бундан ташқари, Лондон даромад олиш мақсадида Россиядан келиб чиққан ёки Россия Федерациясидан олиб келинган товарларни, шунингдек, тегишли техник воситаларни, молиявий, брокерлик хизматларини Россиядан олиб киришни тақиқлади.
Бундан ташқари, темир ва пўлат импорти билан боғлиқ техник ёрдам, молиявий хизматлар ва воситачилик хизматларини кўрсатиш соҳасида Россияга нисбатан чеклов чоралари кенгайтирилди.
Энг муҳим саноат маҳсулотлари бўлган нефтни қайта ишлаш саноатига тегишли товар ва технологияларни экспорт қилишга қўшимча чекловлар жорий этилмоқда. Чекловлар кимёвий ва биологик қуроллар ишлаб чиқариш учун ишлатилиши мумкин бўлган товарларга ҳам тегишли.