Туризм салоҳиятидан максимал даражада фойдаланиш ва ташриф буюрувчиларга қулайлик яратиш мақсадида Бухоро шаҳрида инновацион лойиҳа – ҳафтада 7 кун туну-кун ишлайдиган мобил бозор ишга туширилди.
Кейинги йилларда Ўзбекистонда бутун мамлакат бўйлаб туризм инфратузилмасини ривожлантириш, янги туристик йўналишлар ва маҳсулотларни жорий этиш, бу борада илғор хорижий тажрибани татбиқ этишга эътибор кучаймоқда.
Бухоро шаҳрининг М.Иқбол кўчасида жойлашган «Тунги мобил бозор» ҳам хорижий, ҳам маҳаллий сайёҳлар учун ушбу ҳудудда мавжуд туристик хизматлар кўламини кенгайтириш имконини беради.
Мазкур лойиҳа сайёҳлик объектлари инфратузилмасини тубдан яхшилашга ҳам ҳисса қўшиб, ташриф буюрувчиларга мамлакатимизнинг бой моддий ва маънавий маданий мероси билан танишиш имконини беради.
Бозордаги ҳар бир бино Ўзбекистоннинг Бухоро, Тошкент, Самарқанд, Хоразм, Қашқадарё каби турли вилоятларининг рамзий дарвозаларининг макетидир.
Ўзбек миллий таомларини таклиф этувчи умумий овқатланиш шохобчалари, шунингдек, ҳунармандчилик буюмлари сотиладиган сувенир дўконлари сайёҳлар таассуротини бир неча бор ошираётгани ташриф буюрувчиларни ҳайратда қолдиради.
Миллий услубда бунёд этилган ушбу бозорда барча қулайлик ва имкониятлар мавжуд бўлиб, кўплаб Бухоро шаҳри аҳолиси ва меҳмонларини ўзига жалб этмоқда.