11 кишининг ўлимига сабаб бўлган воқеада Денов шаҳар газ таъминоти бошқармаси бошлиғи ва икки ходим айбдор деб топилди.
Аниқланишича, ҳодисага портлаган бино тагига ётқизилган газ қувурининг носозлиги сабаб бўлган. Портлашдан кўрилган умумий зарар 28,6 миллиард сўмни ташкил этади.
2022-йил 28-апрел куни Жиноят ишлари бўйича Денов туман суди Денов шаҳридаги INDENIM савдо марказида (2021-йил 7-декабр) содир бўлган портлашда айбдор шахсларга нисбатан айблов ҳукмини чиқарди. Бу ҳақда Бош прокуратура матбуот котиби Хает Шамсутдинов Кун.уз-га маълум қилди.
Суд ҳукмига кўра, “Худудгаз Сурхондарё газ таъминоти” филиали Денов шаҳар газ таъминоти бошқармаси бошлиғи лавозимида ишлаб келган Б.Қурбоновга Ўзбекистон Республикаси Жиноят кодексининг 205-моддаси 2-қисми “а” банди билан (мансабдор шахс томонидан хизмат мавқеини суиистеъмол қилиш, кўп миқдорда зарар етказиш) ва 207-моддаси 3-қисми “а” банди (хизмат мажбуриятларига эҳтиётсизлик билан муносабатда бўлиш оқибатида шахснинг ўлимига сабаб бўлиши) билан жиноят иши қўзғатилган ва айбдор деб топилди.
Соат 22:00 дан 6:00 гача яшаш жойидан чиқиб кетиш имкониятини чеклаган ҳолда 3 йил 7 ой 11 кунга озодликдан маҳрум қилиш жазоси тайинланди.
Тергов ва суд жараёнида қамоққа олинган Қурбонов Б. ҳукм эълон қилингандан сўнг дарҳол ҳибсдан озод этилди.
“Худудгаз Сурхондарё газ таъминоти” филиали қурилиш-монтаж бошқармасида электр ва газ пайвандчиси бўлиб ишлаган Усанов Н.га нисбатан Ўзбекистон Республикаси Жиноят кодексининг 116-моддаси 4-қисми “а,б” бандлари (одамлар ўлимига ва бошқа оғир оқибатларга олиб келган хизмат вазифаларини лозим даражада бажармаслик) билан жиноят иши қўзғатилди. Шунингдек, у 214-модданинг 3-қисми “в” банди (Давлат органи, давлат иштирокидаги ташкилот ёки фуқароларнинг ўзини ўзи бошқариш органи ходими томонидан моддий бойликларни ёки мулкий неъматларни қонунга хилоф равишда олиш) бўйича айбдор деб топилди.
Шунингдек, “Худудгаз Сурхондарё газ таъминоти” филиали “Деновшаҳаргаз” филиали газ тақсимлаш пунктлари чилангари Нарзуллаев А. 116-модда 4-қисми “а”, “б” бандлари, 214-модда 3-қисми бандлари билан айбдор деб топилди. У ҳамкасбидан фарқли равишда 5 (беш) йил муддатга озодликни чеклаш жазосига ҳукм қилинди. Бу даврда у яшаш жойини соат 22:00 дан 06:00 гача тарк этиш ҳуқуқидан маҳрум қилинган.
Иш материалларига кўра, айбланувчи “GIPER MARKET INDENIM” МЧЖ томонидан фойдаланилаётган, яроқсиз ҳолга келган савдо мажмуаси биноси остига ётқизилган газ қувурининг техник ҳолатини мустаҳкамлигини текширмаган ҳолда текширмаган. ва газ қувурининг босимга чидамлилиги тегишли стандартларга мувофиқ, бепарволик ва жиноий бефарқликни кўрсатиб, чизиқни 1,3 кг / см2 босимли, диаметри 76 мм бўлган газ қувурига уланган.
Натижада 2021 йил 6 декабрдан 7 декабрга ўтар кечаси “GIPER MARKET INDENIM” МЧЖ савдо маркази биноси остидаги яроқсиз газ қувуридаги ёриқлардан кўп миқдорда табиий газ сизиб чиқиб, соат 03 да кучли портлаш содир бўлган: 7 декабрда 50.
Натижада фуқаролар А.Джумаев, С.Камолов, И.Астанақулов, А.Дуланов, Ф.Омонова, К.Турдиев, У.Саидов, А.Равшанова, Қ.Раҳимов, Х.Маматқулов ва О.Шамановлар бинолар ичида бўлган ва яқин атрофдаги бинолар турли оғирликдаги жароҳатлардан ҳалок бўлган.
Портлаш натижасида етказилган зарар:
-
35 та тадбиркорлик субъектларининг товарлари учун 6 миллиард 359 миллион сўм;
-
91 та нотурар жой учун 17 млрд 964 млн сўм;
-
109 та хусусий уй-жой қуриш учун 3 миллиард 929 миллион сўм;
-
64 та кўп қаватли уй учун 135 млн 412 минг сўм;
-
10 та автомашина учун эгаларига 260 млн 792 минг сўм;
-
жабрланган фуқароларни даволаш учун 10 790 000 сўм, жами 28 659 000 сўм.