Душанбеда Мирзиёевни расмий кутиб олиш маросими бўлиб ўтди

Бугун, 2021 йил 10-июн куни Президент Шавкат Мирзиёев Тожикистон Президенти Имомали Раҳмоннинг таклифига биноан Душанбеда келди.

10 июн куни Душанбедаги Касри Миллат қароргоҳида Ўзбекистон Президентини расмий кутиб олиш маросими бўлиб ўтди.

Аввал хабар қилинганидек, Шавкат Мирзиёев ва Имомали Раҳмон “тет-а-тет” учрашувини ўтказдилар, унда ўзбек-тожик стратегик шериклик ва кўп қиррали ўзаро алоқаларнинг барча спектри кўриб чиқилди.

Савдо ҳажмини ошириш, иқтисодиётнинг турли соҳаларида саноат кооперациясини ривожлантириш бўйича аниқ таклифлар билдирилди.