Жорий йилнинг 8 сентабр куни Оила ва хотин-қизлар масалалари давлат қўмитаси, Сурхондарё вилояти ҳокимлиги, Европа Иттифоқи (ЕИ) ва ЮНИСЕФ ҳамкорлигида Сурхондарёда инклюзив таълим, ижтимоий хизматлар ва ҳуқуқий ёрдамдан фойдаланиш имкониятларини кенгайтириш дастури ишга туширилди.
ЕИнинг дастурга қўшган ҳиссаси 1,6 миллион еврони (тахминан 17 миллиард сўм) ташкил этади. ЮНИСЕФ вазирликлар ва минтақавий ҳокимиятлар билан ҳамкорликда 35 мингга яқин аҳолини қамраб олишни режалаштирмоқда.
Дастур диққат марказида зўравонлик, миграция, Афғонистондан мажбурий миграция ва бошқа энг заиф гуруҳлар каби бир қатор сабабларга кўра қийин ҳаётий вазиятга тушиб қолган болалар, ёшлар ва оилаларга қаратилади.
“Бу ўзаро ҳамкорлик, интеграция ва бирдамлик учун умумий маконларни яратиш орқали маҳаллий ҳамжамият, жумладан, афғон халқининг ижтимоий ҳамжиҳатлиги ва фаровонлигини оширишга қаратилган кўп босқичли стратегияга эга муҳим воқеадир. Шу йул билан Европа Иттифоқи Ўзбекистонни ҳамда унинг кучли ва барқарор жамият яратиш йулидаги саъй-ҳаракатларини, шунингдек, ёрдамга муҳтож афғонларни, жумладан, қўшни давлатлардагиларни қўллаб-қувватлашини билдиради”, деди Европа Иттифоқининг элчиси Шарлотта Адриан. Ўзбекистон.
Грант доирасида ижтимоий адолатни таъминлашда бевосита рол ўйнайдиган ижтимоий хизмат ходимлари салоҳиятини кучайтиришга алоҳида эътибор қаратилади.
Дастур шунингдек, инклюзив кўп тилли мактабгача ва мактаб таълими компонентларини, ихтисослаштирилган юридик ёрдам хизматларини ҳамда мақсадли ёшлар гуруҳи учун малака ошириш дастурини ўз ичига олади.
“Маҳаллий ҳамжамиятларнинг барча аҳолиси, айниқса, ижтимоий ҳимояга муҳтож қатламлари ижтимоий ва ҳуқуқий ёрдам хизматларидан тенг фойдаланиш имконига эга бўлса, маҳаллалар янада аҳил, барқарор ва фаровон бўлади. Таъкидлаш жоизки, давлат томонидан кафолатланган сифатли асосий хизматлардан фойдаланиш имкониятига эга бўлган маҳаллалар камроқ ҳимоясиз бўлиб, ташқи таъсирларга чидамли бўлиб бормоқда”, — деди ЮНИCЕФнинг Ўзбекистондаги ваколатхонаси раҳбари Мунир Маммадзода.