Гарвард университети билан ҳамкорлик Ўзбекистонда Тиббий генетика марказини ташкил этишга олиб келади.
Айни пайтда Ўзбекистон Соғлиқни сақлаш вазирлиги делегацияси АҚШда амалий ташриф билан бўлиб, Гарвард университети вакиллари билан учрашув ўтказмоқда.
Гарвард дунёдаги енг нуфузли ва енг қадимги университетлардан бири бўлиб, 1636 йилда ташкил этилган.
Учрашувда тиббий генетика соҳасида Ўзбекистонда Тиббий генетика марказини ташкил этиш ва уни замонавий тиббий асбоб-ускуналар билан таъминлаш бўйича кенг кўламли ҳамкорлик тўғрисида келишувга эришилди.
Шунингдек, Гарвард университетида ўзбекистонлик мутахассисларни қайта тайёрлаш ва соғлиқни сақлаш тизими етакчи кадрларини тайёрлаш ҳам амалга оширилади.
Тиббиёт таълими соҳасида илмий алоқалар ва ҳамкорликни кенгайтириш режалаштирилган.
Учрашувда Тиббий генетика маркази архитектураси, дизайни, стратегияси ва концепциясини биргаликда ишлаб чиқиш масалалари муҳокама қилинди.
Америкалик ҳамкорлар Тошкент тиббиёт академияси Биотехнология марказининг генетик илмий лабораторияси негизида ҳамкорликни ривожлантиришга тайёр эканликларини билдирдилар.