Россия самолёти Дания ва Швеция ҳаво ҳудудини бузгани учун Германия ўз қирувчиларини кўтарди.
Ан-40 самолёти Дания ва Швеция ҳаво ҳудудини ноқонуний равишда бузган. Немис жангчилари унга ҳавода ҳамроҳлик қилишди.
Болтиқ денгизи узра Россия разведкачи самолёти кузатилди. Шу сабабли Германия ўз жангчиларини осмонга кўтаришга қарор қилди.Ҳодиса 30-апрел куни содир бўлди, деб ёзади DPA немис ахборот агентлиги.
Россия самолёти Рюген ороли яқинидаги халқаро ҳаво ҳудудида аниқланди. Германия дарҳол Лааге авиабазасидан иккита Eurofighter қирувчи самолётини учирди. Улар Россия самолётини халқаро ҳаво ҳудудида кузатиб боришди.
Эслатиб ўтамиз, Дания ташқи ишлар вазири Эппе Кофод Россиянинг Ан-40 перванелли самолёти Дания ҳаво ҳудудини ноқонуний равишда бузганини айтган эди. Шу боис ТИВ Россия элчисини чақиртирди.Бундан ташқари, Стокголм маълумотларига кўра, разведкачи самолёт ҳам Швеция ҳаво ҳудудига кирган.