Германия канцлери Gepard зенит танкларини етказиб беришга ваъда берди

Германия канцлери Олаф Шольц Украинага мамлакатнинг ўз яхлитлиги ва суверенитетини ҳимоя қилишга ёрдам берадиган кўпроқ Gepard зенит танкларини тақдим қилмоқчи.

Бу ҳақда Олаф Шольц жаҳон молия-иқтисодий ташкилотлари билан қўшма матбуот анжумани чоғида маълум қилди.

«Украина президенти Германиядан ҳам молиявий, ҳам қурол-яроғ етказиб бериш бўйича ҳар томонлама қўллаб-қувватлагани учун миннатдорчилик билдирди, чунки биз совға қилган артиллерия ва ҳаво ҳужумидан мудофаа тизимлари Украинанинг ўз яхлитлиги ва суверенитетини ҳимоя қилиш қобилиятига жуда катта таъсир кўрсатади. «, – деди канцлер журналистларга.

У, шунингдек, Германиянинг Украинани, жумладан, ҳаво ҳужумидан мудофаа ва мамлакатни қайта тиклашга ёрдам беришни давом эттираётганини қайд этди.

Германиянинг Gepard ўзиюрар зенит-артиллерия мосламаси марш ва стационар объектлардаги зирҳли устунларни паст ва ўта паст баландликларда, шу жумладан кучли электрон қарши чоралар шароитида вертолётлар ва самолётларнинг ҳужумларидан ҳимоя қилиш учун мўлжалланган.