Даниянинг Maersk Air Cargo авиакомпаниясига тегишли Boeing 767 юк ташувчи самолётининг Биллунд – Навоий – Ханчжоу – Навоий – Биллунд йўналиши бўйича биринчи парвози 2023-йил 21-март куни амалга оширилди.
Ўзбекистон аэропортлари маълумотларига кўра, ҳозирда Ўзбекистон орқали Хитойга ва тескари парвозлар ҳафтасига 6 марта амалга оширилади, келгусида эса бу сонни 36 тага етказиш режалаштирилган.
«Навоий» халқаро аэропорти техник қўниш, ёнилғи қуйиш ва экипаж ўзгариши учун ўтказиш пунктига айланади.