Давлатимиз раҳбарининг 2022-йил 23-декабрдаги батутда сакраш устувор йўналиш сифатида белгиланган қарорига мувофиқ гимнастика спортини фаол оммалаштириш доирасида Навоий вилоятида ҳам спорт инфратузилмаси бойитилди. Гимнастика спорти бўйича ихтисослаштирилган спорт мактабига Германиядан келтирилган барча халқаро стандартларга жавоб берадиган замонавий гимнастика батути берилди.
Янги асбоб-ускуналар қиймати 250 миллион сўм бўлиб, уни харид қилиш маҳаллий бюджет ҳисобидан амалга оширилди.
Мазкур қадам вилоятда спорт гимнастикаси ривожини қўллаб-қувватлаш, болаларнинг гимнастика спорти билан шуғулланиши учун қулай шарт-шароит яратишга қаратилган бўлиб, бу келажакда спорт ва таълим муассасаларининг моддий-техник базасини мустаҳкамлашга хизмат қилади. Бу келажакка қўйилган сармоя бўлиб, ёш спортчиларни, балки бўлажак чемпионларни сифатли тайёрлаш ва тарбиялашни давом эттириш имконини беради.
Ўзбекистон гимнастика федерацияси Навоий вилояти бўлими ижрочи директори Бахора Ҳамдамова мактабгача таълим муассасаларида “Гимнастикага биринчи қадам” ва “Болалар учун гимнастика” дастурлари жорий этилаётгани билан гимнастика болалар учун тобора оммалашиб бораётганини алоҳида таъкидлади. Президентнинг 2022-йил 23-декабрдаги қарори асосида умумтаълим мактаблари.
Мазкур чора-тадбирлар болалар, айниқса, 3 ёшдан 7 ёшгача бўлган қизларнинг гимнастика билан шуғулланишига кучли мотивация яратишга қаратилган.
Давлатимиз томонидан қўллаб-қувватланаётган бундай ташаббуслар гимнастика спортини ривожлантириш, навқирон авлодни соғлом турмуш тарзи руҳида тарбиялаш, миллий спорт инфратузилмасини мустаҳкамлашга жиддий эътибор қаратилаётганидан далолатдир.
Навоий вилоятининг турли ҳудудларида ҳоким кубоги учун мусобақалар ўтказилиши натижасида турли вилоятлардан гимнастикачилар иштирок этган бундай тадбирларнинг ҳудудларда спортни қўллаб-қувватлаш ва ривожлантиришга таъсири қайд этилди.