Алянс кучларининг шарқий қанотини мустаҳкамлаш мақсадида Қўшма Штатлар Полшага 1,7 минг қўшин олиб боради.
Бу ҳақда чоршанба куни Полша ҳукумати раҳбари Матеуш Мораветски маълум қилди.
“АҚШ келишувларга мувофиқ, Украинадаги кескинлик кучайганига жавобан ўзининг 1700 нафар аскарини Полшага коʻчиради”, — деб ёзди у твиттердаги саҳифасида.
У АҚШнинг бу ҳаракатини “бирдамлик ишораси, демократик мамлакатлар бирлиги ва ҳамкорлигининг яна бир муҳим рамзи” деб атади.
Чоршанба куни аввалроқ Пентагон матбуот котиби Джон Кирби “яқин кунларда АҚШдан Полша ва Германияга 2000 га яқин қўшимча аскар кўчирилишини” айтган эди.
Шу билан бирга, у қўшинларнинг бу ҳаракатининг Европага ўтказишга тайёр бўлган 8,5 минг ҳарбий хизматчига ҳеч қандай алоқаси ё‘қлигини таъкидлади. “Ушбу 8500 нафар аскар ҳозирда жойлаштирилмаган, бироқ агар буйруқ берилса, кўчиришга тайёр”, — деди Кирби.