Россия Федерациясининг Варшавадаги элчихонаси қизил бўёқ билан бўялди

Фаоллар Украинадаги урушга норозилик сифатида Россиянинг Варшавадаги элчихонаси биносини қизил бўёқ билан бўяшди.

28-март, душанба куни, RMF24 хабар бермоқда.

Полиция матбуот котиби Габриел Путиранинг айтишича, воқеа 28 март куни соат 16:00 дан кейин Бельведерск кўчасида содир бўлган.

«Бир неча эркак Россия элчихонаси биноси устига қизил бўёқ қуйишди.

Шунингдек, улар ўзлари билан «Фашизмга барбод бўлсин» ёзуви туширилган баннер, девор олдида Украинадаги вайронагарчилик ва уруш қурбонлари акс этган суратларни олиб келишди.

Шунингдек, акция иштирокчилари қизил бўёқ билан бўялган тўсиқ ёнига Россия байроғини ўрнатдилар.

Акция натижасида Полша полицияси икки кишини ҳибсга олди.

«Ҳодиса муносабати билан Россия элчихонаси яқинида полиция чоралари кўрилмоқда», — деди Габриэл Путира.