Россияга ишлаш учун кетган ва оғир хасталикка учраган самарқандлик ва термизлик ўзбекистонликлар Меҳнат миграцияси агентлиги кўмагида ватанига қайтарилди.
Агентлик хабарига кўра, ҳамюртимиз С.Н. жорий йилнинг 7 январ куни оиласи билан Санкт-Петербургга ишлаш учун келган. Бироқ 20-июн куни муҳожир оғир касал бўлиб, шифохонага етказилган. Меҳнат қобилиятини йўқотиб, Агентликка ёрдам сўраб мурожаат қилди.
Чет элда меҳнат фаолиятини амалга оширувчи фуқароларни қўллаб-қувватлаш, уларнинг ҳуқуқ ва манфаатларини ҳимоя қилиш жамғармаси маблағлари ҳисобидан С.Н. ва унинг оиласига «Санкт-Петербург – Самарқанд» рейсига чипта сотиб олган.
Ўз ватанига қайтган иккинчи муҳожир 2021-йилда вақтинчалик ишлаш учун Тула шаҳрига жўнаб кетган К.Н. 2022-йилда аёл оғир касал бўлиб ишлай олмай қолди, операцияга муҳтож эди.
Ташқи меҳнат миграцияси агентлигининг Тула шаҳридаги ваколатхонаси кўмагида ҳамда Чет элда меҳнат қилаётган фуқароларни қўллаб-қувватлаш, уларнинг ҳуқуқ ва манфаатларини ҳимоя қилиш жамғармаси маблағлари ҳисобидан К.Н. касалхонада операция қилинган, сўнг икки фарзанди билан Москва-Термиз рейси билан Ўзбекистонга қайтарилган.