Тошкент шаҳрида тиланчиликка қарши курашиш мақсадида шаҳар кўчаларида бундай ҳолатларни аниқлаш ва уларга чек қўйишга қаратилган рейдлар ўтказилмоқда.
Ўтказилган тезкор тадбир натижасида касбий асосда тиланчилик билан шуғулланган 26 нафар аёл аниқланиб, тегишли жавобгарликка тортилди.
Улар билан бирга тиланчилик билан шуғулланган 13 нафар вояга етмаган болалар ҳам топилган.
Аниқланган болалар пойтахт Ички ишлар бош бошқармаси ҳузуридаги Ижтимоий ҳимоя марказига ўтказилди. Шу билан бирга, операция давомида “профессионал тиланчилар” томонидан сақланаётган яна уч кишининг чақалоқлари ҳам топилди.
Бу чақалоқлар ота-оналарига қайтарилган, улар ҳам тиланчилик қилган.
Учтепа тумани ИИБ назорат-тафтиш бўлими бошлиғи ўринбосари Абдурашид Очилов тиланчилик билан шуғулланганлик учун, айниқса, такрор қоидабузарликлар содир этилган тақдирда маъмурий ва жиноий жавобгарликка тортилиши муҳимлигини таъкидлади.
Бу чора-тадбирлар жамоат тартибини сақлаш, болалар ҳуқуқларини ҳимоя қилишга қаратилган.