Яқин келажакда Тошкент шаҳрида ҳар бири етти қаватли тўртта кўп қаватли автотураргоҳ қуриш режалаштирилган.
Стратегик ислоҳотлар агентлиги директори Баҳодир Раҳматов тақдим этган лойиҳада мазкур мажмуаларни транспорт ҳаракати юқори, умумий сиғими 729 та автомобил бўлган ҳудудларда қуриш кўзда тутилган. Ҳар бир автотураргоҳнинг нархи тахминан 52 миллиард сўмга баҳоланмоқда.
Бундан ташқари, пойтахтнинг ўнта асосий кўчасида 57 та автотаймер ўрнатиш орқали пуллик автотураргоҳлар ташкил этиш режалаштирилган.
Барча инфратузилма объектлари, шунингдек, махсус автотураргоҳлар ва эвакуаторлар тендерлар ўтказилгандан сўнг хусусий компанияларга ўтказилади.
Бундай объектларни қуриш ва уларни бошқариш, жумладан, тўлов тизимлари ва молиявий ресурсларни тақсимлашнинг аниқ қоидаларини белгилаш учун «Пулли автомобил йўллари тўғрисида»ги қонунни киритиш таклиф этилмоқда.
Инфратузилмани янгилаш доирасида халқаро ташкилотларнинг 300 миллион доллари йўл ва кўприкларни таъмирлаш ва қуришга йўналтирилиши режалаштирилган.
Лойиҳада энг янги технологиялар, жумладан, инновацион қопламалар ва йўлларни янада самарали сақлаш учун «совуқ регенерация» усули ҳам қўлланилади.