Украина «референдумлар» туфайли БМТ Хавфсизлик кенгашини чақирди

Украинанинг вақтинча босиб олинган ҳудудларида Россия Федерацияси 23-27 сентябр кунлари давом этадиган сохта референдум ўтказди.

Босқинчи давлат Украинанинг халқаро тан олинган чегараларини БМТ Низомига зид равишда ўзгартиришга уринишлари учун жавобгарликка тортилиши керак. Шунинг учун Украина БМТ Хавфсизлик Кенгашининг зудлик билан чақирилишини талаб қилмоқда. Бу ҳақда 24-сентабр, шанба куни Украина ташқи ишлар вазирлиги вакили Олег Николенко Twitterда маълум қилди.

«Украина Россия томонидан Украинанинг босиб олинган ҳудудларида сохта референдумлар ўтказгани муносабати билан БМТ Хавфсизлик кенгашининг шошилинч йиғилишини ўтказишни сўради.

Россия Украинанинг халқаро миқёсда тан олинган чегараларини БМТ Низомини бузган ҳолда ўзгартиришга бўлган кейинги уринишлари учун жавобгарликка тортилиши керак», — деб ёзди у.

Аввалроқ ОАВ босиб олинган ҳудудларнинг Россия Федерацияси таркибига кириши ҳақидаги қонун лойиҳалари 28-сентабр оқшомида Давлат Думасига киритилиши, 30-сентабрда эса Путин Федерал Мажлисга мурожаат қилиши мумкинлиги ҳақида хабар берган.