Ўзбекистон: янги байрамни жорий этиш режалаштирилган

Ўзбекистонда яна бир байрамни ташкил этиш режалаштирилган. Бу ҳақда Олий Мажлис матбуот хизмати хабар берди.

Хабарларга кўра, Олий Мажлис қонунчилик палатаси Халқаро дўстлик кунини ташкил этиш масаласини кўриб чиқмоқда. Ҳозирда ушбу масала бўйича ҳужжат лойиҳаси депутатлар томонидан кўриб чиқилмоқда.

Ҳужжат лойиҳасида ушбу байрам 30 июл куни нишонланиши таъкидланган. Шу куни бутун республика бўйлаб халқаро алоқалар ва халқлар ўртасидаги дўстликни мустаҳкамлаш шарафига байрам тадбирлари ўтказилади. Таъкидлаш жоизки, 30 июл Халқаро дўстлик куни. Ушбу сана БМТ резолюцияси билан танланган.