Шавкат Мирзиёев «Маъмурий жарималарни тўлашда аҳолига қўшимча қулайликлар яратиш ва бу борадаги коррупция омилларини бартараф этиш, маъмурий ҳуқуқбузарликлар учун жарималарни ихтиёрий равишда тўлаш тизимини соддалаштириш чора-тадбирлари тўғрисида»ги қарорни имзолади.
Янги тўлов тартиби 2023-йил 1-майдан кучга киради.
Жарималар ўз вақтида тўланса, Ўзбекистон фуқароларига чегирма берилади. Агар қоидабузар жариманинг 50 фоизини 15 кун ичида ёки 70 фоизини 30 кун ичида ихтиёрий равишда тўласа, у ҳолда жариманинг қолган қисмини тўлашдан озод қилинади.
Бу тартиб суд қарорлари асосида ундириладиган жарималарга ҳам тегишли.
Вазирлар Маҳкамасига бир ҳафта муддатда тегишли қонун лойиҳасини Олий Мажлис Қонунчилик палатасига киритиш топширилди.