Ўзбекистонда илғор коммуникация технологиялари – 5G ни жорий етиш жараёни аллақачон бошланган. Лойиҳанинг биринчи босқичи доирасида Тошкент шаҳрида 5G тармоғини тўлиқ, вилоят марказларини эса қисман қамраб олиш режалаштирилган.
«Ўзбектелеком» АК матбуот хизмати раҳбари Тимур Мамазхоновнинг баёнотига кўра, мобил интернет тезлигини ошириш ва 5G технологиясини жорий этиш жараёни 2023-йилнинг март ойида бошланган ва бутун мамлакат ҳудудига татбиқ этилади.
Мазкур лойиҳа доирасида Ўзбекистон бўйлаб 3000 дан ортиқ база станцияларини модернизация қилиш ва илғор коммуникация технологиялари билан жиҳозланган 2000 дан ортиқ янги станциялар қуриш режалаштирилган. Станцияларни 5G стандартига кўтаришнинг ушбу жараёни лойиҳани амалга оширишдаги асосий қадамдир. Ушбу ишларнинг натижаси мобил алоқа абонентлари учун мобил Интернетдан бешинчи авлод тезлигида фойдаланиш имконияти бўлади.
Лойиҳанинг биринчи босқичидаги ишлар якунлангач, таҳлил қилинади ва Ўзбекистон бўйлаб 5G технологиясини жорий этишнинг кейинги босқичлари аниқланади.