«Ўзбекистон ҳаво йуллари» Миллий авиакомпанияси халқаро рейсларда йуловчи ҳаво транспортини босқичма-босқич тиклаш бўйича дастур бошланганлигини эълон қилди.
Биринчи босқичда қуйидаги рейслар тикланади:
- Тошкент-Дубай-Тошкент — 4-сентябрдан жума кунлари ҳафтада 1 марта;
- Тошкент-Франкфурт-Тошкент — 10-сентябрдан пайшанба кунлари ҳафтасида 1 марта;
- Тошкент-Олмаота-Тошкент — 11-сентябрдан жума кунлари ҳафтада 1 марта;
- Тошкент-Бишкек-Тошкент — 14-сентябрдан душанба кунлари ҳафтасида 1 марта;
- Тошкент-Истанбул-Тошкент – 4, 7, 11, 14, 16, 18, 21, 23, 24, 25, 28 ва 30 сентябр;
Юқорида қайд этилган мамлакатлардан «Ўзбекистон ҳаво йуллари» АЖ қатновлари орқали Ўзбекистонга парвозларни режалаштираётган йуловчилар COVID-19 учун ПЦР усули билан инглиз ёки рус тилларида топширилган синовнинг манфий натижаларини парвоздан камида 72 соат олдин тақдим этишлари керак. Синовнинг манфий натижаси бўлмаган тақдирда, йуловчиларни парвоз учун рўйхатдан ўтказиш рад этилади.
Агар Германия, Қозоғистон, Қирғизистон, БАА, Туркиядан мунтазам қатновлар билан келган йуловчилар COVID-19 учун тест натижалари манфий бўлган сертификатга эга бўлса, термометридан ўтишлари ва ўзларини 14 кун изоляция қилиш мажбуриятини олган ҳолда анкета тўлдиришлари керак бўлади:
– Ўзбекистон Республикаси фуқаролари учун — доимий яшаш жойида
– Чет эл фуқаролари учун – Ўзбекистонда вақтинча рўйхатдан ўтиш жойида.
Келгандан сўнг иситмаси ёки бошқа аломатлари бўлган йуловчилар “Тошкент” аэропортида кўрикдан ўтказилади. ПЦР тестининг ижобий натижаси бўлган йуловчилар даволаниш учун касалхонага ётқизилади.
“Сиздан, агар Ўзбекистон Республикаси фуқаролари юқоридаги мамлакатларга учишни хоҳласалар, борадиган мамлакатнинг санитария талабларини мустақил равишда аниқлаб олиш ва авиачипта сотиб олишдан олдин, юқорида кўрсатилган мамлакатларга кириш ҳуқуқини берадиган тегишли асослар мавжудлигига ишонч ҳосил қилиш кераклигига э’тибор қартишингизни илтимос қиламиз.” — дейилади авиакомпания томонидан
Сиз ушбу қатновларга чипталарни авиакомпания веб-сайтидан, мобил илова орқали, шунингдек, “Ўзбекистон ҳаво йуллари” АЖнинг энг яқин савдо офисларидан ёки Ўзбекистон Республикаси ва хориждаги савдо агентларидан сотиб олишингиз мумкин.