Ўзбекистонда автомобилларга газ баллонларини ноқонуний ўрнатиш ҳолатлари кўпайди

Ўзбекистонда 2021-йилда газ ускуналарини рухсатсиз, амалдаги техник талабларга риоя қилмасдан ўрнатиш билан боғлиқ 2928 та ҳолат қайд этилган.

Бундай қоидабузарликлар 2020 йилга нисбатан 61% га кўп. Шунингдек, 36 нафар юридик ва жисмоний шахслар томонидан автотранспорт воситаларига газ баллонларини ўрнатиш ва синовдан ўтказиш ишлари ноқонуний равишда амалга оширилган. Шунингдек, 16 нафар жисмоний ва юридик шахслар томонидан газ баллонларини техник синовдан ўтказиш бўйича сохта далолатномалар тайёрлаш билан шуғуллангани аниқланди.

Сенатнинг ялпи мажлисида газ баллонлари билан жиҳозланган автотранспорт воситалари хавфсизлигини таъминлашнинг аҳволи ва бу борадаги қонун ҳужжатлари ижроси юзасидан Вазирлар Маҳкамасига парламент сўрови юбориш масаласи кўриб чиқилди.

Сенатнинг Мудофаа ва хавфсизлик қўмитаси томонидан ўтказилган тадқиқотда газ баллонлари ўрнатилган автомобилларда портлаш аварияларига олиб келадиган бир қанча омиллар аниқланган. Хусусан, транспорт воситаларига газ ускуналарини ноқонуний ўрнатиш, уларни ўз вақтида техник кўрикдан ўтказмаслик ҳолатлари йилдан-йилга ортиб бораётгани алоҳида таъкидланди. Бу транспорт воситаларининг портлаши билан фожиали бахтсиз ҳодисаларга олиб келади.

Шундай қилиб, 2021-йилда автотранспорт воситаларига газ ускуналарини ноқонуний ўрнатиш (амалдаги техник регламентлар талабларига жавоб бермайдиган) бўйича 2928 та ҳолат аниқланган, бу 2020-йилга нисбатан 61% га кўпдир. 14 та ҳолатда портлаш содир бўлган, 2 та ҳолатда газ баллонли автомашиналар ёниб кетган, натижада 9 нафар фуқаро тан жароҳати олган, 14 нафар фуқаро ҳалок бўлган.

Бундан ташқари, автомобил газ тўлдириш компрессор станцияларида газ баллонларини тўлдиришнинг белгиланган талаблари ва тартибини бузиш ҳолатлари кўпайиб бормоқда. Автотранспорт воситаларига ўрнатиш ва тегишли техникани синовдан ўтказиш билан шуғулланувчи хўжалик юритувчи субектлар фаолияти устидан таъсирчан назорат йуқ. Газ баллонларини техник синовдан ўтказиш бўйича сохта ҳужжатларни расмийлаштириш ҳолатлари мавжуд. Хусусан, 2021-йилда 36 нафар юридик ва жисмоний шахс томонидан транспорт воситаларига газ баллонларини ўрнатиш ва синовдан ўтказиш билан ноқонуний шуғулланган. Шунингдек, 16 нафар жисмоний ва юридик шахслар томонидан газ баллонларини техник синовдан ўтказиш бўйича сохта далолатномалар тайёрлаш билан шуғуллангани аниқланди.

Сенаторлар юқоридаги масалалар юзасидан ҳукуматга парламент сўрови юбориш тўғрисида қарор қабул қилдилар.