“Олмалиқ КМК” АЖ матбуот хизмати “Ёшлик И конини ўзлаштириш” инвестиция лойиҳасининг амалга оширилиши, 3-сонли мисни қайта ишлаш заводи (МОФ-3) қурилишида эришилган асосий ютуқлар ҳақида маълум қилди.
Қурилиш ишлари Президентимизнинг 2020-йил 26-майдаги “Олмалиқ КМК” АЖ конлари негизида рангли ва қимматбаҳо металлар ишлаб чиқаришни кенгайтиришга доир қўшимча чора-тадбирлар тўғрисида”ги қарори доирасида амалга оширилмоқда.
Қурилиш тугалланиши билан МОФ-3 – мис консентратининг тайёр маҳсулоти 4,2 км узунликдаги конвейер ленталари бўйлаб мис эритиш заводига жўнатилади.
Хабарда айтилишича, комбинатда биринчи марта сиклик оқимли технологиялар қўлланилади ва рудани “Ёшлик I” карери томондан иккита конвейер ёрдамида йирик майдаланган руда омборига ташишни таъминлайди.