Ўзбекистонда 2023-йил 1-майдан бошлаб фойдаланишга топширилаётган кўп қаватли уйлар томларининг бўш қисмининг камида ярмига қуёш батареяларини мажбурий ўрнатиш жорий этилди.
Бундан буён янги иссиқхона хўжаликлари, шунингдек, цемент, ғишт ва оҳак ишлаб чиқарувчилар учун табиий газ тармоқларига уланиш учун техник шартлар бериш тақиқланади.
Республикадаги барча ёқилғи қуйиш шохобчаларида (шу жумладан, бензин, суюлтирилган ва сиқилган газ) электр энергияси ва объектларни ёритишга бўлган эҳтиёжнинг камида 50 фоизи уларга ўрнатилган қуёш батареялари ҳисобига таъминланади.
Давлатимиз раҳбарининг 2023-йил 16-февралдаги қарорига мувофиқ ижтимоий соҳа объектлари, давлат идоралари ва бошқа ташкилотларнинг бино ва иншоотларига қуёш батареялари ўрнатиш билан шуғулланувчи «Яшил энергия» масъулияти чекланган жамияти шаклида ташкил этилди.
Компания кам қувватли қайта тикланадиган энергия қурилмаларини бошқаради.
Корхоналарга давлат органлари ва ташкилотлари бино ва иншоотларининг тегишли қисмларидан ўз маблағлари ҳисобидан ушбу бино ва иншоотларга қайта тикланадиган энергия манбаларини ўрнатгандан сўнг ижара ҳуқуқи асосида бепул фойдаланишга рухсат берилди.
Компаниялар, шунингдек, маҳаллий ва хорижий ишлаб чиқарувчилар билан тўғридан-тўғри шартномалар тузишлари, қайта тикланадиган энергия қурилмалари ва улар учун эҳтиёт қисмларни сотиб олишлари ва энг яхши таклифларни танлаб, уларга хизматлар кўрсатишлари мумкин.
Вазирликлар, давлат органлари ва ташкилотларининг биринчи раҳбарлари ўз тузилмасидаги муассаса ва ташкилотлар биноларига қуёш батареяларини ўрнатиш бўйича шахсий жавобгарликлари тўғрисида қатъий огоҳлантирилди.