АҚШ гипертовушли ракеталарни кузатиш учун сунъий йўлдош учиришни режалаштирмоқда

АҚШ ҳарбийлари гипертовушли ракеталарни кузатиш учун коинотга иккита прототипли сунъий йўлдошни учиришни режалаштирмоқда.

Ҳозирда учта хусусий компания Американинг гипертовушли қуроллардан ҳимоя қилиш тизимини яратишда иштирок этмоқда.

АҚШ ҳарбийлари орбитага гипертовушли ва баллистик ракеталарни кузатиш учун мўлжалланган иккита прототипли сунъий йўлдошни чиқаришни режалаштирмоқда. Бу ҳақда АҚШ Мудофаа вазирлиги ракетага қарши мудофаа агентлиги директори вице-адмирал Жон Хилл маълум қилди, дея хабар беради «ТАСС» 12-май, пайшанба куни.

«Биз 2023-йилнинг март ойида коинотга ҳамкорлик қилувчи иккита прототип сунъий йўлдошни учирмоқчимиз», деди у Вакиллар палатаси Қуролли кучлар қўмитасидаги тингловда.

Хиллнинг сўзларига кўра, иккита транспорт воситаси орбитага шундай чиқариладики, улар АҚШнинг Ҳинд-Тинч океани қўмондонлиги (АФC) операцион масъулияти ҳудудида «синовларни кузатиш» учун ишлатилиши мумкин.

«Биз бу маълумотларни концепциянинг тўғрилигини исботлаш учун тўплаймиз», деди вице-адмирал ва келажакда бу мақсадлар учун бутун сунъий йўлдош юлдуз туркумини яратиш мумкинлигини қўшимча қилди.

Ракета ҳужумига қарши мудофаа агентлиги директорининг таъкидлашича, айни пайтда «бир-бири билан рақобатлашувчи» гипертовушли қуроллардан ҳимоя қилишнинг Америка тизимини яратишда учта хусусий компания иштирок этмоқда.

Хиллнинг айтишича, «бу йил охирида» ушбу фирмаларнинг таклифларига қараб, Пентагон улардан бир ёки иккитасини танлайди. Департамент улар билан ишлашда давом этади.