Ўзбекистон транспорт вазирлиги Россия ва Беларус чегарасидаги назорат-ўтказиш пунктларида ўзбек юк машиналарининг тўпланиб қолгани ҳақидаги маълумотни тарқатганидан сўнг, ушбу масала юзасидан изоҳ берди.
Маълум бўлишича, чегарадан ўтишнинг янги қоидалари жорий этилгани сабабли назорат-ўтказиш пунктларида транспорт тўплана бошлаган. Январ ойи бошидан Беларус ва Россия чегарасидаги Красная Горка, Рудня ва Красний Камен каби назорат-ўтказиш пунктлари орқали учинчи давлат фуқароларининг ўтишига чекловлар жорий қилинган.
Янги қоидаларга кўра, чегарадан фақат Россия ва Беларус фуқаролари, шунингдек, халқаро юк ташишни автомобил транспортида амалга оширувчи ҳайдовчилар бемалол ўтиши мумкин.
Белоруссия Давлат божхона қўмитаси томонидан белгиланган Езерищи-Лобок участкаси бундан мустасно, бу чекловлар Евроосиё иқтисодий иттифоқига аъзо мамлакатлар (Қирғизистон, Қозоғистон ва Арманистон) юк машиналарига ҳам тегишли.
Айни дамда Ўзбекистон, Россия ва Беларус транспорт вазирликлари ўртасида ўзбек юк машиналарининг чегараларда тўпланиб қолиши билан боғлиқ вазият юқори даражада муҳокама қилинган.
Ўзбекистон Транспорт вазирлиги дипломатик каналлар орқали фаол музокаралар олиб бормоқда, миллий ташувчилар манфаатларини ҳисобга олган ҳолда ҳукумат даражасида ечим топишга ҳаракат қилмоқда.