Ўзгидромет дам олиш кунлари ўзбекистонликларни қандай об-ҳаво кутиши ҳақида гапирди. Республика бўйлаб яна ёмғир ёғиб, момақалдироқ давом этмоқда, тоғли ҳудудларда сел оқими хавфли бўлади.
Бугун мамлакат бўйлаб иссиқ ва қуруқ об-ҳаво кутилмоқда. Қорақалпоғистоннинг айрим ҳудудларида қисқа муддатли ёмғир ёғиб, момақалдироқ бўлиши мумкин. Термометр 25-28 даража атрофида бўлади.
Шанба куни ҳам худди шундай ҳолат давом этади, аммо қисқа муддатли ёмғир нафақат Қорақалпоғистон, балки Хоразм вилояти ва чўл зонасида ҳам кутилиши керак. Улар Волга бўйидан нам ва нисбатан салқин ҳавонинг кириб келиши натижасида юзага келади, дея тушунтирди метеорологлар.
Аммо якшанба куни бутун Ўзбекистон ҳудудини нам ҳаво массаси қоплайди, аксарият ҳудудларда ёмғир ёғади, жумладан, момақалдироқ бўлиши мумкин. Тошкент, Самарқанд, Жиззах, Сирдарё вилоятлари ва Фарғона водийси вилоятларида ёмғир кучли бўлади.
Якшанба куни ҳаво ҳарорати кундузи 20-25 даражадан ошмайди.
Республика бўйлаб баъзи жойларда шамол 17-22 м/с гача кучайиши кутилмоқда.
Ўзбекистоннинг марказий ва шарқий вилоятларида 25-апрел, душанба куни ёмғир давом етади. 24-25 апрел кунлари тог ъ олди ва тоғли ҳудудларда сел оқими хавфли бўлади.