Ўзбекистонда Ўзбекистон давлат консерваториясининг Нукус филиали ташкил этилди. Филиал юридик шахс мақомига эга.
Унинг таъсис ҳужжатлари бир қатор вазифаларни ҳал қилишни кўзда тутади:
– таълим жараёнига этук ва малакали мутахассисларни жалб қилиш орқали фан ва таълимнинг ўзаро интеграциясини таъминлаш;
– миллий мусиқа соҳасида юқори малакали бакалаврлар ва магистрларни, шунингдек ушбу соҳада чуқур изланишлар олиб бориш имкониятига эга бўлган илмий ва илмий-педагог кадрларни тайёрлаш;
– илмий тадқиқотлар натижалари асосида маънавий, маърифий ва илмий-оммабоп адабиётларни тайёрлаш ва нашр этиш;
– талабаларни маҳаллий ва халқаро грантларни жалб қилиш билан қўллаб-қувватлаш, уларнинг чет элда ўқишини самарали ташкил этиш, илмий ва ижодий ишлар, доимий равишда қўшма консерт дастурларини яратиш;
– ходимларнинг илмий салоҳиятини ошириш, илмий ва ижодий фаолиятни янада ривожлантириш, иқтидорли талабаларни ушбу соҳага кенг жалб қилиш;
– чет эл олий ўқув юртларида мутахассисларни қайта тайёрлаш ва уларнинг малакасини ошириш, шунингдек амалиётни мунтазам равишда ташкил этиш. Филиалда ўқув жараёни 2021/2022 ўқув йилидан бошланади;
бакалавриат йуналиши бўйича филиалга талабаларни қабул қилиш кўрсаткичлари ҳар йили белгиланган тартибда тасдиқланадиган олий ўқув юртларига қабул қилиш параметрлари асосида шакллантирилади. 2021/2022 ўқув йили учун филиалнинг олий таълим соҳасидаги қабул ва ижодий имтиҳонлари Ўзбекистон давлат консерваториясида бўлиб ўтади.
