2022-йилнинг 1-чорагида 525,1 минг нафар ўзбекистонлик қариндошларини кўриш учун хорижга кетган. Бу ҳақда Давлат статистика қўмитаси хабар бермоқда.
Қўмита маълумотларига кўра, 2022-йилнинг 1-чорагида Ўзбекистон Республикаси фуқароларининг хорижга чиқиш мақсадлари орасида қариндошларини кўриш биринчи ўринни эгаллаган – 525,1 минг киши.
Шунингдек, 138,6 минг киши таътилга, 40,2 минг киши ўқишга кетган.
Шунингдек, Ўзбекистондан 9,5 минг киши даволаниш учун, 3 минг киши эса хизмат мақсадида чиқиб кетган.
Аввалроқ 2022-йилда Ўзбекистонга қариндошларини кўриш учун 536 минг киши келгани хабар қилинганди.