Россия президенти Владимир Путин келаси ҳафтадан бошлаб русларни коронавирусга қарши оммавий эмлашга ўтишни буюрди.
“Биз аллақачон кенг кўламли эмлашга ўтдик. Ўтган ҳафта (Бош вазир) Михаил Владимирович (Мишустин) менга хабар беришича, саноат нафақат ваъда қилинган барча стандартлар ва ҳажмларни бажаради, балки вакцина ишлаб чиқариш ҳажмини ҳам ошириб юбормоқдамиз. Биз кенг кўламли эмлашдан оммавий эмлашга ўтишимиз керак” — деди давлат раҳбари Россия ҳукумати аъзолари билан учрашувда.
«Сизлардан кейинги ҳафтадан бошлаб бутун аҳолини оммавий эмлашни бошлашингизни ва биз бошқа касалликлар, масалан, грипп каби, тегишли иш жадвалини тузишингизни сўрайман», деб қўшимча қилди Путин.
