Тошкентда картинг чемпионати ўтказилиши муносабати билан бир қатор кўчалар тўсиб қўйилади

Тошкент марказида 8-май куни картинг бўйича Ўзбекистон чемпионати ўтказилиши муносабати билан бир қанча кўчалар соат 20:00 гача ёпилади.

Пойтахт ҳокимлиги маълумотларига кўра, автомобил йўлларининг қуйидаги участкаларида ҳаракатланиш тақиқланади:

  • Амир Темур шоҳ кўчаси — Шаҳрисабз кўчаси билан чорраҳадан Ёқуб Колас кўчаси билан чорраҳагача;

  • Ёқуб Колас кўчаси – Амир Темур шоҳ кўчасидан Тарас Шевченко кўчаси билан чорраҳагача;

  • Тарас шевченко кўчаси – Ёқуб Колас кўчаси билан чорраҳадан Шаҳрисабз кўчаси билан чорраҳагача;

  • Шаҳрисабз кўчаси – Тарас Шевченко кўчаси билан кесишган чорраҳадан Амир Темур шоҳ кўчаси билан чорраҳагача.