Мамлакатимизда ҳар йили 8 декабр куни Ўзбекистон Конституцияси куни нишонланади.
Президент 2021-йил декабр ойида «Расмий саналарни нишонлаш даврида қўшимча ишланмайдиган кунларни белгилаш ва 2022-йилда дам олиш кунларини кўчириш тўғрисида»ги қарорни имзолаган эди. Бундан ташқари, давлат раҳбари 30 апрел куни «Ўзбекистон Республикаси Президентининг 2021-йил 20-декабрдаги П-35-сонли «Қўшимча ишланмайдиган кунларни белгилаш тўғрисида»ги фармонига “расмий саналарни нишонлаш ва дам олиш кунларини 2022 йилга ўзгартириш киритиш ҳақида»ги қарорини имзолади.
Юқоридаги ҳужжатларга кўра, жорий йилнинг ўтган даврида ўзбекистонликлар қатор байрамларда бир неча кун дам олган.
Меҳнат кодексининг 131-моддасига мувофиқ байрам (ишланмайдиган) кунлар қуйидагилар ҳисобланади:
1 январ – Янги йил;
8 март – Хотин-қизлар куни;
21 март – Наврўз байрами;
9-май – Хотира ва қадрлаш куни;
1 сентябр – Мустақиллик куни;
1 октябр – Ўқитувчи ва мураббийлар куни;
8 декабр – Конституция куни;
«Руза Ҳайит» диний байрамининг биринчи куни (Ийд ал-Фитр);
«Қурбон Ҳайит» диний байрамининг биринчи куни (Ийд ал-Адҳа).
8 декабр (пайшанба) – Конституция куни. Шу кунларда президентнинг тегишли фармонларига ўзгартириш киритилмаган.
7 декабр (чоршанба) ва 9 декабр (жума) иш кунлари бўлади. Ўзбекистон аҳолиси бор-йўғи бир кун – 8 декабр пайшанба куни дам олади.
Аввалроқ Шавкат Мирзиёев «Ўзбекистон касаба уюшмалари куни»ни нишонлаш муносабати билан 11-ноябрни расмий дам олиш куни деб эълон қилишни таклиф қилгани ҳақида хабар берилган эди.
11 ноябр «Халқ байрами» сифатида нишонланади.