Ўзбекистон пойтахтида халқаро анъанавий тасвирий ва амалий санъат фестивали бўлиб ўтмоқда.
Ўзбекистон Бадиий академияси, қатор вазирлик ва ташкилотлар ҳамкорлигида ташкил этилган фестивал 21-апрелгача давом этади.
Бу йил фестивал иштирокчиларининг дунёнинг турли бурчакларидан ташриф буюриши тадбир географиясини кенгайтирди.
Улар орасида Корея Республикасидан Кемён университети, Россиядан Уфин давлат университети, Қозоғистондан Қарағанда университети талабалари, шунингдек, Беларусдан Климовичи номидаги болалар тасвирий санъат мактаби ва Россиянинг Тулун шаҳридаги болалар рассомлик мактаби ўқувчилари бор.
Ушбу меҳмонлар фестивалга амалий мулоқот ва ҳамкорликни ривожлантириш мақсадида келган.
Тадбир доирасида марказий кўргазмалар залида хорижлик рассомларнинг асарлари экспозицияси намойиш этилмоқда.
Бундан ташқари, фестивал тарихида илк бор Ўзбекистон Тасвирий санъат галереясида “Турк дунёси рассомлари учрашуви” кўргазмаси бўлиб ўтмоқда, унда ТУРКСОЙ ташкилотига аъзо давлатлар, жумладан, Озарбайжон рассомлари, Туркия, Туркманистон, Қозоғистон ва Қирғизистон.
