Ўзбекистон Президентининг «Ўзбекистон фуқаросининг идентификация ID-картасини ва чет элга чиқиш биометрик паспортини амал қилиш муддати тугаши муносабати билан янгисига алмаштириш тартибини такомиллаштириш тўғрисида»ги қарори лойиҳаси эълон қилинди.
Лойиҳа қуйидагиларни назарда тутади:
- фуқаронинг шахсий гувоҳномаси ва унинг амал қилиш муддати тугаганлиги муносабати билан хорижга чиқиш учун биометрик паспорт алмаштирилганлиги тўғрисида билдиришномалар юборишни жорий этиш;
- Ягона интерактив давлат хизматлари порталидаги шахсий кабинетига уланган фуқарога хорижга чиқиш учун ID-карта ва биометрик паспортнинг амал қилиш муддати тугаганлиги тўғрисида билдиришнома юбориш учун зарур бўлган ахборот тизимларини ўзаро интеграциялаш;
- фуқаролар томонидан давлат божи тўланмаганлиги сабабли ID-карта олиш учун тўлиқ бўлмаган аризалар ахборот тизимида пайдо бўлиши, тўлиқ бўлмаган аризалар сони кўпайиши, шунингдек, ҳисоботларда нотўғри маълумотлар шаклланишининг олдини олиш.