Ўзбекистон Президенти Шавкат Мирзиёев «Суд қарорларини кўриб чиқиш институтини такомиллаштириш муносабати билан Ўзбекистон Республикасининг Маъмурий процессуал кодексига ўзгартиш ва қўшимчалар киритиш тўғрисида» ги қонунни имзолади.
Маъмурий суд ишларига киритилган ўзгартишларга кўра, назорат инстанцияси бекор қилинди.
Бизнес омбудсмани биринчи инстанция судининг қонуний кучга кирмаган қарори устидан апелляция шикояти бериш ҳуқуқига эга, тадбиркорлик фаолияти билан боғлиқ бўлмаган низолар бундан мустасно.
Апелляция шикояти қарор қабул қилинган кундан бошлаб бир ой ичида берилиши мумкинлиги аниқланди (илгари бу муддат 20 кун эди).
Апелляцияни процессга қабул қилиш масаласи бўйича ажрим ҳақида иштирок этган томонлар уч кун ичида хабардор қилинади (илгари хабарнома қарор қабул қилинган куни қилинган).
Кассация шикояти апелляция судининг қарори қабул қилинган кундан бошлаб 1 йил ичида берилиши мумкин (илгари апелляция суд қарори кучга киргандан кейин бир ой ичида берилиши мумкин эди).
Шунингдек, манфаатдор шахслар ишни кассатсия тартибида қайта кўриб чиқиш тўғрисида Олий суд раиси, Бош прокурор ёки уларнинг ўринбосарларига протест келтириш тўғрисида ариза бериш ҳуқуқига эга.
