Ўзбекистонда сўнгги икки ой ичида помидор нархи тез ошиб, деярли беш бараварга ошди.
«Ўзбекистонда сўнгги 60 кун ичида қизил думалоқ помидорнинг улгуржи нархлари бир ҳафтадан ташқари барқарор ўсишда давом этди. Ўтган йилларда ҳам ушбу маҳсулот нархининг худди шундай тенденцияси кузатилган бўлса, бу йил улгуржи қизил помидор нархи ўтган йилги даражадан сезиларли даражада ошди ва йилнинг шу даври учун рекорд қийматларга етди», — таъкидлайди EastFruit халқаро ахборот-таҳлил платформаси экспертлари.
Жорий йилнинг 6 октябридан 1 декабригача бўлган маълумотларга кўра, Ўзбекистонда қизил помидорнинг ўртача улгуржи нархи бир килограмми учун 4000 сўмдан 19 минг сўмга — 4,8 баробарга ошган. Октябр ва ноябр ойларида ушбу маҳсулот нархининг ошиши одатий ҳол эмас, лекин бу йил ўсиш суръати ўтган йилларга нисбатан сезиларли даражада юқори.
Бундан ташқари, помидорнинг улгуржи нархи сўнгги беш йилдаги энг юқори даражада.
Мутахассислар, эҳтимол, помидор нархининг кескин ошиши жорий йилнинг август-сентябр ойларида сабзавот экиш пайтида иссиқхоналарни газ билан таъминлашдаги муаммоларнинг ҳал этилмагани ёки қисман ҳал этилмагани билан боғлиқлигини тахмин қилмоқда. Ўзбекистонда иссиқхона хўжаликларида помидор кўчатларини экиш чекланган миқдорда амалга оширилган бўлиши мумкин, бу эса, ўз навбатида, помидор нархининг кескин ошишига сабаб бўлиши мумкин.