Ўзбекистонлик 17 ёшли шахматчи норвегиялик жаҳон чемпионини мағлуб этди

Варшавада ўзбекистонлик шахматчи Нодирбек Абдусатторов Рапид бўйича жаҳон чемпионатида норвегиялик жаҳон чемпиони Магнус Карлсенни мағлуб этди.

Рапид бўйича жаҳон чемпионатининг 10-турида Нодирбек Абдусатторов (ФИДЕ жаҳон рейтинги – 2633) жаҳон чемпиони, норвегиялик Магнус Карлсен (2856) билан дуелда ғалаба қозонди.

Ўзбекистонлик Варшавадаги турнирнинг учинчи ўйин кунида пешқадамлардан бирига айланди. Бунгача у жаҳон рейтингининг кучли 10 нафар — Левон Аронян ва Фабиано Куруана устидан ғалаба қозонган. Шунингдек, Нодирбек Абдусатторов Радослав Войташек ва Борис Гелфанд билан ўйинни муваффақиятли якунлади. 8 очко жамғарган ёш шахматчи россиялик Ян Непомнящий билан бирга биринчи ўринга чиқди.

ФИДЕ матбуот хизматига берган интервюсида Абдусатторов ғалабасида омад ҳам борлигини айтди. Шахматчининг фикрича, Карлсен қироличани h5-квадратига суриб, дарҳол дурангга мажбур қилиши мумкин эди. Умуман олганда, ўйин деярли охиригача тенг курашлар остида ўтди.

Ўзбекистонлик футболчи бор эътиборини турнирни давом эттиришга қаратиш ниятида. Чемпионатнинг 11-турида у Владимир Федосеевга қарши баҳс олиб боради. Карлсеннинг рақиби Ян Непомнящий бўлади.

Ўзбекистон шахмат федерацияси чемпионатда мамлакатимизнинг бошқа шахматчилари ҳам муваффақиятли иштирок этаётганини таъкидлади. Жаҳонгир Воҳидов полшалик гроссмейстер Кшиштоф Якубовскини мағлуб этган бўлса, Жавоҳир Синдаров Евгений Постнийни мағлуб этиб, очко жамғарган бўлса, Шамсиддин Воҳидов Клемент Сычев билан дуранг ўйнади.