Ўзгидромет жорий иш ҳафтасида Ўзбекистонда қандай об-ҳаво кутилиши ҳақида маълум қилди. Уларнинг маълумотларига кўра, сўнгги кунларда бутун мамлакат бўйлаб илиқ ва қуруқ об-ҳаво ҳукм сурган ва бу яқин келажакда ҳам давом этади.
Яқин кунларда Ўзбекистонда бироз булутли, ёғингарчиликсиз ҳаво ҳукмрон бўлиши кутилмоқда.
Фарғона вилоятининг айрим тоғли ҳудудлари ва республика жанубида қисқа муддатли ёмғир ёғиб, момақалдироқ бўлиши мумкинлиги бундан мустасно.
25 апрел куни шимолий ва чўл зонасининг айрим ҳудудларида шамол 15-20 м/с гача кучайиши кутилмоқда. Республика бўйлаб ҳаво ҳароратининг кўтарилиши давом этади, кечаси ҳаво 13-15° илиқ, кундузи 30-33° илиқ бўлади.
Ўзбекистоннинг чўл зонаси ва жанубида баъзи жойларда ҳаво ҳарорати 35-37° гача кўтарилиши мумкин, бу апрел ойининг охирги ўн кунлигидаги меъёрдан 4-6° юқори.
Ўзбекистон пойтахтида ҳам иш ҳафтаси давомида ҳаво бироз булутли бўлиб, ёғингарчилик бўлмайди. Шамол 3-8 м/с тезликда эсади. Кечаси 12-14°, кундузи 28-30° иссиқ бўлади.