Ўзбекистон-Венгрия бизнес-форумида инвестициялар ва ташқи савдо вазири Жамшид Хўжаев ислоҳотларнинг устувор йўналишлари ҳақида гапирди.
Унинг сўзларига кўра, ислоҳотларнинг устувор йўналишлари қуйидагилардан иборат:
- қонун устуворлигини таъминлаш;
- суд-ҳуқуқ тизимини янада ислоҳ қилиш;
- коррупцияга қарши самарали кураш;
- банк-молия тизимини давр талаблари асосида такомиллаштириш;
- давлат улушига эга йирик саноат ва инфратузилма корхоналарини хусусийлаштириш;
- Ўзбекистоннинг Жаҳон Савдо Ташкилотига кириши ва унинг тўлақонли аъзоси бўлиш жараёнини тезлаштириш.
Энергетика, транспорт, соғлиқни сақлаш ва таълим соҳаларида қўшма лойиҳаларни амалга оширишда давлат-хусусий шериклик механизмларини жорий этиш ҳам кенгайтирилади.