АҚШ президенти Жо Байден АҚШнинг Ўзбекистондаги янги элчиси тайинланганини маълум қилди. Бу ҳақда Оқ уй сайтида хабар берилди.
Жо Байден жуда тажрибали дипломат Жонатан Хенникни АҚШнинг Ўзбекистондаги элчиси этиб тайинлади.
Қайд этилишича, номзод Сенат томонидан тасдиқланиши керак. Даниэль Розенблюм Хеник тасдиқланмагунча ўз лавозимида қолади.
Нью-Йоркда тарбияланган Хеник яқин вақтгача Давлат департаментида Марказий Осиё бўйича катта дипломат бўлган. У узоқ йиллар халқ дипломатияси соҳасида ҳам ишлаган, бу борадаги дастурларга раҳбарлик қилган.
Жонатан Хеник ҳозирда АҚШ Мудофаа университети Киберхавфсизлик ва ахборот коллежида Давлат департаментини бошқаради.
Маълумот учун, АҚШ Давлат котибининг Жанубий ва Марказий Осиё бўйича ёрдамчисининг собиқ ўринбосари Дэниел Розенблюм 2019-йилда АҚШнинг Ўзбекистондаги элчиси этиб тайинланган эди.
АҚШнинг Ўзбекистон Республикасидаги Фавқулодда ва Мухтор элчиси лавозимида ишлаб келган Памела Спартлен 2018-йил августида АҚШ Сенати Дэниель Розенблюмни янги элчи этиб тасдиқлаганидан кейин истеъфога чиққан эди.