Ўзбекистон халқ таълими вазири мамлакат мактабларида таълим шаклини танлаш масаласини қандай ва ким ҳал қилиши ҳақида гапирди.
Шерзод Шерматовнинг сўзларига кўра, ушбу қарор маҳаллий депутатлар томонидан қабул қилинган тақдирдагина мактаблар очилади.
«Маҳаллий депутатлар мактаб барча зарур ҳимоя воситалари билан таъминланганлигига ишонч ҳосил қилгандан кейингина ушбу масалани кўриб чиқадилар.
Агар мактабда зарурий ҳимоя воситалари мавжуд бўлмаса ёки эпидемиологик вазият ижобий бўлмаган жойда жойлашган бўлса ва маҳаллий соғлиқни сақлаш бошқармаси юқтирганларнинг кўпайишига қарши тура олмаса, мактаб очилмайди. Ушбу қарорни депутатлар ҳам қабул қилади. Бундай мактаб ўқувчилари бошқа мактаблар биносида ўқиш учун йуналтирилиши мумкин, акс ҳолда улар масофадан туриб билим олишади «, – деди Шерматов.
Эслатиб ўтамиз, айрим ҳудудларда 7 сентябрдан мактаблар очилган. 14 сентябрдан бошлаб мамлакат бўйлаб мактаблар очилиши кутилмоқда.
