Навалний, тадбиркор Алишер Усмоновни коррупцияда айбламоқда ва Европа Иттифоқидан унга қарши санкциялар қўлланилишини талаб қилмоқда.
Алексей Навалнийнинг ҳамкасби, Коррупцияга қарши кураш жамғармасининг ижрочи директори, Буюк Британияда яшовчи Владимир Ашурков Facebookда Навалний Ғарб давлатларига санкцияларни қўллашни таклиф қилаётган саккиз кишининг рўйхатини эълон қилди.
Рўйхат Навалний томонидан Россияга 17 январ куни қайтишидан бир неча кун олдин тузилган.
Инглиз тилида ёзган постида Ашурков, агар Ғарб Россияни инсон ҳуқуқларини ҳимоя қилиш ва коррупцияга қарши курашиш учун жиддий босим ўтказмоқчи бўлса, рўйхатдагиларга нисбатан индивидуал санкцияларни қўллаш ҳақида ўйлаши кераклигини ёзади. Навалний бу рўйхатни яқин келажакда эълон қилишни режалаштирмаган эди, аммо унинг шериги Россиядаги мухолифатчининг ўзи ҳибсга олинганидан ва 30 кун давомида тергов изоляторига юборилганидан сўнг, унинг шартли жазосини ҳақиқий жазо билан алмаштириб, колонияга юбориши мумкин бўлганидан кейин уни ошкор қилишга қарор қилди. Ашурков ёзганидек, ушбу шахсларга қарши санкциялар таҳдиди Россия ҳукуматини Навалнийни озод қилишга мажбур қилиши мумкин.
Рўйхатда 8 киши бор: тадбиркор Роман Абрамович, ВТБ топ-менежери Денис Бортников, ФСБ раҳбари Александр Бортниковнинг ўғли, отасининг «ҳамёни», ВТБ президенти Андрей Костин, соғлиқни сақлаш вазири Михаил Мурашко, Навалнийнинг заҳарланиши ҳақидаги фактларни яширишга масъул, қишлоқ хўжалиги вазири Дмитрий Патрушев, Хавфсизлик Кенгаши раҳбари Николай Патрушев, ВЭБ раҳбари Игор Шувалов, телебошловчи Владимир Соловиев ва тадбиркор Алишер Усмонов.