18-22 май кунлари Малайзия Ташқи ишлар вазирлиги раҳбари ўринбосари Камарудин Жаффар бошчилигидаги делегация Ўзбекистонга келади.
Бу ҳақда Ўзбекистон ТИВ матбуот хизмати хабар берди.
Бўлажак учрашув ва музокаралар чоғида сиёсий, савдо-иқтисодий, сармоявий ва маданий-гуманитар соҳалардаги Ўзбекистон-Малайзия муносабатларининг бугунги ҳолати ва уни ривожлантириш истиқболларини муҳокама қилиш режалаштирилган.
Шунингдек, минтақавий ва халқаро муаммолар юзасидан фикр алмашилади.