Президент Шавкат Мирзиёев 2023-йил май ойи бошида Германия Президенти Франк-Валтер Штайнмайернинг таклифига биноан расмий ташриф билан Германияда бўлади.
Давлат раҳбари матбуот хизмати хабарига кўра, ташриф дастурига мувофиқ Берлинда Президент Франк-Валтер Штайнмаер ва канцлер Олаф Шольц билан икки томонлама учрашувлар ўтказиш режалаштирилган.
Шунингдек, Ўзбекистон-Германия кўп қиррали муносабатларини янада чуқурлаштиришнинг долзарб масалалари кўриб чиқилади, халқаро кун тартибининг турли жиҳатлари юзасидан фикр алмашилади.
Германиянинг етакчи компаниялари билан инновацион ва технологик ҳамкорликни кенгайтиришга қаратилган истиқболли лойиҳа ва дастурларни амалга оширишга алоҳида эътибор қаратилади. Шу мақсадда давлат раҳбари немис тадбиркорлари билан алоҳида учрашув ўтказади.
Ташриф доирасида «Ўзбекистон археологик хазиналари. Искандар Зулқарнайндан Кушонлар империясигача» Джеймс Саймон галереяси очилиши бўлиб ўтади.