Ўзбекистон Ташқи ишлар вазирлиги Озарбайжоннинг Теҳрондаги элчихонасига қуролли ҳужум уюштирилгани муносабати билан расмий баёнот берди.
«Ўзбекистон Республикаси Ташқи ишлар вазирлиги 2023-йил 27-январ куни Озарбайжон Республикасининг Теҳрондаги элчихонасига уюштирилган қуролли ҳужумни кескин қоралайди», — дейилади хабарда.
Ташқи ишлар вазирлиги марҳумнинг яқинларига чуқур ҳамдардлик билдириб, жароҳат олганларнинг тезроқ соғайиб кетишини тилади.
«Умид қиламизки, ушбу ҳодисани ҳар томонлама ўрганиш натижаларига кўра барча айбдорлар жавобгарликка тортилади», — дея хулоса қилди матбуот хизмати.
Аввалроқ Ўзбекистон ташқи ишлар вазири вазифасини бажарувчи Бахтиёр Саидов Озарбайжон ТИВ раҳбари Жейҳун Байрамовга қўнғироқ қилгани хабар қилинганди.
Эслатиб ўтамиз, 27-январь, жума куни эрталаб Озарбайжоннинг Теҳрондаги элчихонасига ҳужум уюштирилган.