Вазирлар Маҳкамасининг “Бюджетдан ташқари жамғармани ташкил этиш тўғрисида”ги қарори
Ўзбекистон Республикаси Президенти ҳузуридаги Тадбиркорлик субектларининг ҳуқуқлари ва қонуний манфаатларини ҳимоя қилиш бўйича вакил аппарати.
Ҳужжатга мувофиқ, бизнес-омбудсман аппаратининг бюджетдан ташқари жамғармаси ташкил этилиб, тегишли низом тасдиқланди, деб ёзади Норма.
Жамғарма маблағлари қуйидагиларга сарфланади:
· бизнес-омбудсман аппаратининг моддий-техник базасини мустаҳкамлаш;
· ходимларни моддий рағбатлантириш ва уларнинг малакасини ошириш.
Жамғарма маблағларини шакллантириш манбалари қуйидагилардан иборат:
· бизнес-омбудсман ўз юрисдиктсиясига кирувчи маъмурий ҳуқуқбузарликлар тўғрисидаги ишлар бўйича қўлланиладиган жарималар ва бизнес-омбудсман томонидан тузилган маъмурий ҳуқуқбузарликлар тўғрисидаги баённомалар асосида судлар томонидан қўлланиладиган жарималар суммаларининг 100%;
· техник ёрдам воситалари, халқаро, хорижий давлат ва нодавлат ташкилотларининг грантлари;
· жисмоний ва юридик шахсларнинг ҳомийлиги;
· бўш пул маблағларини тижорат банкларидаги депозитларга жойлаштиришдан олинган даромадлар.
Жамғарма маблағларини бошқариш ва сарфлаш тўғрисида қарорлар қабул қилиш бизнес-омбудсман раислигидаги фонд кенгаши томонидан амалга оширилади.
Маълумот учун: бизнес-омбудсман 9 турдаги маъмурий ҳуқуқбузарликлар бўйича ишларни кўриб чиқиш ҳуқуқига эга, жумладан, хусусий мулкка бўлган ҳуқуқни бузиш, тадбиркорлик субъектларини ноқонуний текширишлар, уларни ҳомийликка мажбурлаш ва бошқалар каби ҳуқуқбузарликлар.