«Тошкент – Ўш» халқаро автомобил йўлининг 259-километрида Қамчиқ довонида лак-бўёқ маҳсулотларини олиб кетаётган юк машинаси уч енгил автомобил билан тўқнашиб кетди.
Дастлабки маълумотларга кўра, ЙТҲ оқибатида 6 киши жабрланган.
Воқеа жойига зудлик билан Фавқулодда вазиятлар вазирлигининг ёнғин-қутқарув отрядлари юборилиб, тўқнашув натижасида юзага келган ёнғинни 25 дақиқада бартараф этишга муваффақ бўлди.
Воқеа содир бўлган машиналардан бири Японияда ишлаб чиқарилган янги SUBARU FORESTER бўлган.
Тўқнашувда у катта зарар кўрган.
Ёнғинни ўчириш вақтида йўл ёпилган, бироқ соат 12:30да транспорт ҳаракати тикланган.
Ҳозирда жабрланганларнинг аҳволи ҳақида маълумот берилмаган.