Наманган шаҳрида ўсмир ва ЙПХ инспектори иштирокида содир бўлган воқеа ҳақида Наманган ИИБ матбуот хизмати хабар берди.
Наманган шаҳрининг Амир Темур кўчасида ЙПХ инспектори қоидабузарликни пайқаб қолди – «Матиз» ҳайдовчиси светофорнинг қизил чироғидан ўтиб кетди. Инспектор тўхташга ишора қилди. Ҳайдовчи ҳуқуқ-тартибот органи ходимининг талабига бўйсунмай, аксинча, инспекторни уриб юборган, шундан сўнг жиноят жойидан қочиб кетган.
Натижада ҳайдовчи қўлга олинди, у 18 ёшли ўсмир бўлиб, автомашинани бошқариш гувоҳномасига эга бўлмаган. Ҳибсга олиш ўсмир автоуловни таъмирлаш учун борган устахоналардан бирида ўтказилган, чунки у одам билан тўқнашиши натижасида шикастланган.
Инспектор тан жароҳати олган, воқеадан сўнг унга биринчи тиббий ёрдам кўрсатилгандан кейин касалхонага ётқизилган.
Йигитга нисбатан 219-модданинг 2-қисми («Мансабдор шахсга ёки фуқаролик бурчини бажараётган шахсга қаршилик кўрсатиш») билан жиноят иши қўзғатилган. Ҳозирда тергов ҳаракатлари олиб борилмоқда.